Friday, 2 August 2013

खरंच आजचा दिवस चंद्राप्रमाणे असेल, पण उद्याचा दिवस नक्कीच अमावस्या भासेल . . .

आजकालच्या या फैशनेबल युगात, नाही फैशनेबल नाही . . .
पाश्चिमात्य युगात असं म्हटलेलंच योग्य वाटतं . . .
हा तर या युगात आपली अशी स्वतःची फैशन का तेच कळत नाही . . .
आपले लोक का कॉपी करतात पाश्चिमात्य लोकांची देव जाणे . . !
पाश्चिमात्य लोकांमध्ये सहसा एक असं दिसुन येतं कि एकदा मुलांची लग्न झाली कि आईबाप आणि मुलं वेगवेगळे राहतात . . .
पण माझ्या मतानुसार ते कोणत्याही प्रकारे रोज एकमेकांच्या सहवासात कॉन्टैक्टमध्ये असतातच . . . आपल्याकडेपण अशाच प्रकारे कॉपी व्हा
वे . . .त्याबद्दल खुपच छान वाटतं. . . . :)याऊलट आईबापाने खुप शिकवलेली आजकालची मुलं शिक्षणासाठी बाहेर जातात तिथे सेटल होतात पण इकडचं कॉन्टैक्ट तोडुन टाकतात . . .
इकडे आईबापाची काय अवस्था आहे हे पण पाहत नाहीत . . !
अशी एका मित्राची तयारी आम्ही मित्रांनी खोडुन लावली . . .
कायमस्वरुपीच निघाला होता आई बाबांना सोडुन नोकरीसाठी. . .
त्याच्याकडे पाहुन असं वाटलं बरं झालं जास्त शिकलो नाही . . . . :)



खरंच आजचा दिवस चंद्राप्रमाणे
असेल,
पण उद्याचा दिवस नक्कीच अमावस्या भासेल . . .

तुझा जन्म झाला तेव्हा आजी-आजोबांना,
आई-बाबांना खुप आनंद झाला असेल . . .
लहानपणी परिस्थिती नसताना हट्ट पुरवावयास,
त्यांचा तुझ्यासाठी किती जीव तुटला असेल . . .
खरंच आजचा दिवस चंद्राप्रमाणे
असेल,
पण उद्याचा दिवस नक्कीच अमावस्या भासेल . . .

प्रेम, संस्कार-शिक्षण याची जाणिव नसेल,
आजीला विचार तिला सारं काही माहित असेल . . .
आजी-आजोबांचे प्रेम तुला खुप मिळाले,
बहुतेक तुझ्या मुलांना याचीच कमी भासेल . . .
खरंच आजचा दिवस चंद्राप्रमाणे
असेल,
पण उद्याचा दिवस नक्कीच अमावस्या भासेल . . .

लढले ते आजोबा आयुष्यभर देशासाठी,
त्यांच्या आत्म्यास आज काय वाटत असेल . . .
ज्यांना देशाबाहेर हाकलुन लावले भविष्यासाठी,
त्यांच्याशीच का रे तुला एवढी जवळीक असेल . . ?
खरंच आजचा दिवस चंद्राप्रमाणे
असेल,
पण उद्याचा दिवस नक्कीच अमावस्या भासेल . . .

फक्त विदेशी नोकरीसाठी जाणार कुटुंब सोडुन,
त्याचं भविष्य देश-संस्कारासाठी क्षुल्लकच असेल . . .
काही जर करुन दाखवलंस इथेच,
तर आपला देश पहिल्या स्थानावर असेल . . .
खरंच आजचा दिवस चंद्राप्रमाणे
असेल,
पण उद्याचा दिवस नक्कीच अमावस्या भासेल . . .

अजुनही विचार कर तुझा देश आणि आई-बाबा,
या सुंदर जीवनात मित्रा एकदाच असेल . . .
वृद्धाश्रमाचा रस्ता जर त्यांना पहायला लावलास,
तर लक्षात ठेव तुझी माझ्याशी गाठ
असेल . . .
खरंच आजचा दिवस चंद्राप्रमाणे
असेल,
पण उद्याचा दिवस नक्कीच अमावस्या भासेल . . .



                                      ----आबासाहेब . . . . .

                                    (कुमार विश्वासराव मांढरे)

                                                    

No comments:

Post a Comment